Սնունդն ընդունակ է փոխել գեները

Սնունդն ընդունակ է փոխել գեները, կարծում են Նանկինյան համալսարանի մասնագետները: Նրանք մարդկանց և կենդանիների արյան հոսքում բուսական ՌՆԹ-ի հետքեր են գտել: Դրանցից շատերն ընկճում են գեների արտամղումը (էքսպրեսիան) և բարձրացնում խոլեստերինի մակարդակը: Դա գիտնականներին մղել է մեր գեները շտկող հատուկ բույսեր ստեղծել:

Այսպես, փորձագետների հիմնական ուշադրությունը սևեռվել է ՌՆԹ-ի փոքրագույն մասնիկների վրա: Դրանք արյան մեջ մի բջիջներից տեղափոխվում են մեկ այլ բջիջներ: Մասնագետները փորձել են պարզել, արդյոք բոլոր մասնիկներն են կազմված մեր սեփական բջիջներից, թե սննդի հետ օրգանիզմ են թափանցում օտարածին տարրեր: Հետազոտողներն աշխատանքի սկզբում 31 մարդուց և կովերից արյան նմուշներ են վերցրել: Նմուշները մշակել են նատրիումի պերիոդատով`  օքսիդացման ագենտով, որը փոփոխում է կաթնասունների միկրո-ՌՆԹ-ն այնպես, որ դրանց հնարավոր չէ կարգավորել: Դա թույլ է տվել ՌՆԹ-ի բուսական տարբերակներին անձեռնմխելի թողնել: Արդյունքում գիտնականներն առանձնացրել են բուսական ծագման  30 հայտնի միկրո-ՌՆԹ-եր:

Մասնագետները հայտնաբերել են բարձր խտության MIR168a-ն և MIR156a-ն: Դրանցից շատ կա բրնձի, բրոկոլիի, բրյուսելյան կաղամբի, սպիտակ կաղամբի և ծաղկակաղամբի մեջ: Հետազոտողներին ապշեցրել է այն փաստը, որ մասնիկները չեն քայքայվել ոչ սննդի մշակումից հետո, ոչ էլ մարսողության գործընթացի ժամանակ:

Մոտ 50 գեն կախված են եղել MIR168a-ից, ներառած LDLRAP1 գենը` պրոտեին, որն արյունից հեռացնում է խոլեստերինը: Փորձարկումների շարքը ցույց է տվել. MIR168a-ն բջիջներում կենդանի է մնացել և փոփոխել է գեների արտամղումը: Փորձագետները MIR168a-ն ավելացրել են մարդու աղիների բջիջներին: Դրանք MIR168a-ն «փաթեթավորել» են միկրոսկոպիկ պղպջակների տեսքով և հետո դուրս հանել դրանց:

Երբ տվյալ պղպջակներն ավելացվել են կաթնասունների լյարդի բջիջներին, վերջիններս շուտով սկսել են LDLRAP1-ի նմանատիպ ցածր ցուցանիշներ արտադրել: Ընդ որում, եթե լաբորատոր մկներին ներմուծել են MIR168a կամ հում բրինձ են տվել, այդ պրոտեինի ցուցանիշները նույնպես կտրուկ նվազել են, իսկ խոլեստերինի մակարդակը բարձրացել: Գենետիկական հաջորդականության ներմուծման դեպքում LDLRAP1-ի խտությունը չի նվազել:

Հարցեր, պատասխաններ, մեկնաբանություններ